MachilipatnamLocal News
November 22, 2026
జిల్లా

వికలాంగ ధృవీకరణ పత్రం ఆలస్యం: మచిలీపట్నం సూపరింటెండెంట్‌కు లోకాయుక్త నోటీసు

  • October 30, 2026
  • 1 min read
వికలాంగ ధృవీకరణ పత్రం ఆలస్యం: మచిలీపట్నం సూపరింటెండెంట్‌కు లోకాయుక్త నోటీసు

​మచిలీపట్నం:

వికలాంగ వ్యక్తికి ధృవీకరణ పత్రం (SADAREM సర్టిఫికేట్) జారీ చేయడంలో జరిగిన ఆలస్యాన్ని తీవ్రంగా పరిగణించిన రాష్ట్ర ఉప లోకాయుక్త జస్టిస్ పి. రజని, మచిలీపట్నం ప్రభుత్వ ఆసుపత్రి సూపరింటెండెంట్‌కు నోటీసు జారీ చేశారు. ఈ విషయంలో తక్షణమే నివేదిక సమర్పించాలని ఆమె ఆదేశించారు.

​కేసు వివరాలిలా ఉన్నాయి

కృష్ణా జిల్లా, పమిడిముక్కల మండలం, గురజాడ గ్రామానికి చెందిన పామర్తి రాఘవయ్య (మానసిక వికలాంగుడు) కుటుంబ సభ్యులు, 2026 జూలై 21న మచిలీపట్నం ప్రభుత్వ ఆసుపత్రిలో జరిగిన సదరం క్యాంపులో ధృవీకరణ పత్రం కోసం దరఖాస్తు చేసుకున్నారు. ప్రభుత్వం నిర్దేశించిన జీ.వో.ఎం.ఎస్.నెం. 36 (తేదీ: 23.08.2023) ప్రకారం, దరఖాస్తు చేసిన నిర్ణీత సమయంలోగా ఈ ప్రక్రియ పూర్తికావాలి. కానీ, మూడు నెలలకు పైగా గడిచినా దరఖాస్తు స్థితిపై ఎటువంటి సమాచారం లేకపోవడంతో బాధితులు తీవ్ర ఇబ్బందులు ఎదుర్కొన్నారు.

ఉప లోకాయుక్త జోక్యం

ఈ విషయంలో న్యాయం కోరుతూ సామాజిక కార్యకర్త జంపాన శ్రీనివాస గౌడ్ చొరవతో బాధిత కుటుంబం 2026 సెప్టెంబర్ 30న రాష్ట్ర ఉప లోకాయుక్తకు ఫిర్యాదు చేసింది. ఈ ఫిర్యాదును స్వీకరించిన జస్టిస్ పి. రజని (కేసు నెం. 2881/2026/బి2), వికలాంగుల హక్కుల విషయంలో అధికారుల ఉదాసీనతను ప్రశ్నిస్తూ, మచిలీపట్నం ప్రభుత్వ ఆసుపత్రి సూపరింటెండెంట్ నుండి తగిన వివరణ మరియు నివేదికను కోరుతూ ఉత్తర్వులు జారీ చేశారు.

About Author

SSN