MachilipatnamLocal News
November 22, 2026
జిల్లా

ఎన్నికల వేళ మద్యం విక్రయాలపై ఆంక్షలు: అసిస్టెంట్ ఎక్సైజ్ సూపరింటెండెంట్

  • October 29, 2026
  • 1 min read
ఎన్నికల వేళ మద్యం విక్రయాలపై ఆంక్షలు: అసిస్టెంట్ ఎక్సైజ్ సూపరింటెండెంట్

మచిలీపట్నం:

రాబోయే మున్సిపల్ ఎన్నికల నేపథ్యంలో కృష్ణా జిల్లాలోని పలు పట్టణ ప్రాంతాల్లో మద్యం విక్రయాలపై కఠిన ఆంక్షలు విధించినట్లు అసిస్టెంట్ ప్రొహిబిషన్ అండ్ ఎక్సైజ్ సూపరింటెండెంట్ ఒక ప్రకటనలో తెలిపారు.

ఎన్నికలు జరుగుతున్న మచిలీపట్నం, పెడన, ఉయ్యూరు మున్సిపాలిటీల పరిధిలోని అన్ని బార్లు, వైన్ షాపులు, బార్ అండ్ రెస్టారెంట్లను అక్టోబర్ 30వ తేదీ సాయంత్రం 5 గంటల నుంచి నవంబర్ 1వ తేదీ సాయంత్రం 5 గంటల వరకు పూర్తిగా మూసివేయాలని ఉత్తర్వులు జారీ చేశారు. ఎన్నికల నిబంధనల ప్రకారం ఈ ‘డ్రై డే’ ఆంక్షలు అమల్లో ఉంటాయని స్పష్టం చేశారు.

అలాగే, నవంబర్ 3వ తేదీన జరిగే ఓట్ల లెక్కింపు (కౌంటింగ్) సందర్భంగా కూడా మద్యం దుకాణాలు పూర్తిగా మూసివేసి ఉంటాయని అధికారులు తెలిపారు.

ఎన్నికల సమయంలో అక్రమ మద్యం అమ్మకాలు, నిబంధనల ఉల్లంఘనలపై ఫిర్యాదులు చేసేందుకు ప్రత్యేక హెల్ప్‌లైన్‌ను అందుబాటులోకి తెచ్చారు. ప్రజలు కృష్ణా జిల్లా ఎక్సైజ్ అధికారి కార్యాలయాన్ని గానీ, లేదా 7995659016 అనే నంబరును గానీ సంప్రదించి సమాచారం ఇవ్వవచ్చని సూచించారు.

About Author

SSN