ఇరాన్ ప్రతినిధి అబ్దుల్ మాజీద్ హకీమ్ తో సమావేశం
మచిలీపట్నం :
ఆంధ్రప్రదేశ్ పర్యటనలో భాగంగా మచిలీపట్నం విచ్చేసిన ఇరాన్ అధికార ప్రతినిధి అబ్దుల్ మాజీద్ హకీమ్ తో బందరు రాజుపేట షాదీఖానాలో సమావేశం నిర్వహించారు. పట్టణంలోని చింత చెట్టు సెంటర్లో ఉన్న గిరోహి ఆస్థానంలో జరిగిన కార్యక్రమంలో ఆయనకు శాలువ కప్పి సన్మానించారు. ఈ కార్యక్రమంలో తెలుగు దేశం పార్టీ ఆంధ్రప్రదేశ్ ముస్లిం మైనార్టీ విభాగం కృష్ణ జిల్లా ఛైర్పర్సన్, పార్టీ జిల్లా అధికార ప్రతినిధి పాల్గొని, అతిథిని గౌరవించారు. ఈ సందర్భంగా ఇరాన్ ప్రతినిధితో స్నేహపూర్వకంగా సమావేశమై పరస్పర విషయాలపై చర్చలు జరిపారు. ఈ సత్కారం ద్వారా భారత–ఇరాన్ సాంస్కృతిక సంబంధాలు మరింత బలపడాలని ఆశాభావం వ్యక్తం చేశారు. స్థానిక నాయకులు, కార్యకర్తలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.
