మచిలీపట్నంలో డీజిల్ కొరత – ఆటో డ్రైవర్లకు తీవ్ర ఇబ్బందులు
మచిలీపట్నం :
మచిలీపట్నంలో గత రెండు రోజులుగా డీజిల్ కొరత తీవ్రంగా కనిపిస్తోంది. పట్టణంలోని పలు పెట్రోల్ బంకుల్లో డీజిల్ అందుబాటులో లేకపోవడంతో వినియోగదారులు ఆందోళన వ్యక్తం చేస్తున్నారు. ముఖ్యంగా ఆటో డ్రైవర్లు బంకుల వద్ద గంటల తరబడి బారులు తీరుతూ డీజిల్ కోసం ఎదురుచూస్తున్నారు. డీజిల్ సరఫరా నిలిచిపోవడంతో రవాణా వ్యవస్థపై తీవ్ర ప్రభావం పడింది. రోజువారీగా ఆటోలపై ఆధారపడే ప్రజలకు ఇబ్బందులు కలుగుతున్నాయి. మరోవైపు, ఆటో డ్రైవర్లు ఆదాయం కోల్పోయి ఆర్థికంగా నష్టపోతున్నారు. కుటుంబాలను పోషించడమే కష్టంగా మారిందని పలువురు డ్రైవర్లు ఆవేదన వ్యక్తం చేస్తున్నారు.కొరతకు కారణాలపై అధికారుల నుంచి స్పష్టత లేకపోవడం ప్రజల్లో మరింత ఆందోళన కలిగిస్తోంది. సరఫరా లోపం తాత్కాలికమా, లేక మరింత కాలం కొనసాగుతుందా అన్నది తెలియక ఇంధన వినియోగదారులు ఆందోళన చెందుతున్నారు.
ఈ నేపథ్యంలో సంబంధిత అధికారులు వెంటనే స్పందించి డీజిల్ సరఫరాను పునరుద్ధరించాలని స్థానికులు, ఆటో యూనియన్లు డిమాండ్ చేస్తున్నారు. లేదంటే రవాణా వ్యవస్థ పూర్తిగా దెబ్బతిని ప్రజల జీవన విధానంపై తీవ్ర ప్రభావం పడే అవకాశం ఉందని వారు హెచ్చరిస్తున్నారు.
